Второлигашот Охрид е решен да гради квалитетен тим со кој одново ќе конкурира за пласман во Првата македонска фудбалска лига, а со оглед на тоа што првите две екипи директно обезбедуваат место во Прва лига, а третиот игра бараж, веќе сериозно се вложува во ростерот, бидејќи шансите за пласман во Прва лига се поголеми од минатата сезона, токму од оваа причина.
Спортска Мрежа како што претходно најавуваше дека „рибарите“ ќе градат конкурентен тим за првите две позиции, тоа и се потврдува.
Валентин Кочоски го облекува дресот на „рибарите“, по разделбата со прволигашот Струга Трим Лум, Кочоски доаѓа во тимот на Охрид.
29-годишникот покрај за Струга Трим Лум настапуваше и за Силекс, Воска Спорт, Пелистер, Шкупи, Беласица, Хоризонт Турново и Академија Пандев.
Кочоски е и поранешен репрезентативец на Македонија и носи големо искуство во редовите на Охрид.
Според информациите на Спортска Мрежа во следните денови ќе следуваат уште засилувања во таборот на „рибарите“, за што се потврдуваат сите наши најави.
Тимот е во карантин, сместен во хотел „Десарет“ во Пештани, се тренира на СРЦ „Билјанини Извори“, а во следниот период ќе бидат одиграни и пријателски натпревари, со што младиот стратег Ромео Кочоски ќе има јасна слика како оди подигањето на формата.
Инаку, новата сезона во Втора лига стартува на 15 август, а во рамки на воведното коло Охрид на домашен терен ќе се соочи со Новаци.
