Пелистер под водство на новиот шеф на стручниот штаб Борче Христов ги започна подготовките за новата сезона. Битолчани имаат една јасно поставена цел – експресно враќање во елитата, откако минатата сезона испаднаа од Првата лига, губејќи во баражот од Шкендија Арачиново.
Христов вчера ја имаше првата прозивка и со првиот состанок и тренинг беше означен почетокот на летните подготовки.
Тимот од Битола се екипира за новата сезона откако беше продолжена соработката со Кире Ристевски, Стефан Спировски, Натаниел Димовски, Јован Мрмачовски, Христијан Грозданоски, Христијан Стојановски, Габриел Крстевски, а беа промовирани Мартин Мирчевски, Петар Љамчевски, Симеон Христов, Јорданчо Наумоски кои се повратници во Пелистер, како и Данаил Тасев, Максим Славков и голманот Давид Илоски.
Новата сезона Пелистер ја отвара на домашен терен против дебитантот Камјани.
