Екипите на Хотел и Спа Инекс Олгица и Др. Баткоски многу лесно се пласираа во големото полуфинале на турнирот во мал фудбал „Петровден 2026“ во Мешеишта, откако вечерва буквално ги торпедираа своите противници со многу погодоци за високи и убедливи победи.
Хотел и Спа Инекс Олгица со резултат од 6:0 го „збриша“ составот на Охридски Бисер Филеви, меч кој во целост му припадна на расположениот Оливер Дишлиески со четири погодоци, а по еден гол постигнаа Александар Ѓорѓиески и Стефан Голабоски.
Др. Баткоски со „петарда“ ја отпиша Сатеска, откако „стоматолозите“ до убедливата победа стигнаа преку двојните стрелци Саше Алулоски и Филип Баткоски, а еден гол беше дело на Никола Шекуткоски, кој го отвори резултатот.
Утре на прогрмата ќе биде натпреварите од полуфиналето. Во 21 часот АСП Пак оди на мегдан против Златара Бени Ерол, а пак еден час подоцна Хотел и Спа Инекс на мегдан против Др. Баткоски.
Два натпревари кои ќе понудат повеќе од неверојатна „жешка“ атмосфера, Мешеишта утре ќе биде во центарот на малиот фудбал, „Петровден 2026“ нуди повеќе од неверојатно полуфинале и пресметки кои задолжително треба да се проследат.
Спортска Мрежа и годинава е медиумски покровител на овој спортски настан, кој го бележи своето 51. издание.
