Возбудувањата на турнирот во мал фудбал „Црнилиште Куп 2026“ продолжија и синоќа со шест интересни натпревари, на кои не изостанаа головите и атрактивните потези.
Екипата на Озан Ајаз беше најубедлива во вечерната програма, откако двапати славеше со идентични 7:0.
Најпрво убедливо го совлада составот на Озхан Градба, а потоа со ист резултат беше подобра и од Градба Демироглу, потврдувајќи ја одличната форма на турнирот.
Во вториот натпревар од оваа група, Озхан Градба успеа да стигне до победа од 3:1 над Градба Демироглу и да ги освои првите бодови.
Убедлив настап имаше и тимот на Фасада Чајник, кој најпрво со 3:0 го совлада составот на Косино Сити, а потоа запиша уште една сигурна победа, овојпат со 6:1 против Сикс Севен.
Екипата на Сикс Севен претходно славеше службена победа од 3:0 против Косино Сити, кој остана без освоен бод по синоќешната програма.
Турнирот во Црнилиште и оваа година привлекува големо внимание кај љубителите на малите фудбалски терени, а натпреварите продолжуваат и во наредните денови со нови возбудувања и борба за пласман во завршницата.
Спортска Мрежа, како и во изминатите години, е медиумски покровител на „Црнилиште Куп 2026“, турнир кој важи за еден од најдобро организираните турнири во мал фудбал во регионот.
