Продолжија возбудувањата на традиционалниот турнир во мал фудбал „Црнилиште Куп 2026“, кој и оваа година привлекува големо внимание кај љубителите на спортот и футсалот.
Во синоќешната програма беа одиграни три интересни натпревари, а најуспешна беше екипата на Десово Градба која забележа две победи и со максимален ефект ја заврши вечерта.
Во првиот натпревар Десово Градба славеше над Рибник Добреноец со резултат 3:1, покажувајќи квалитетна и ефикасна игра.
Во вториот дуел, составот на KF Vëllazërimi беше убедлив против Рибник Добреноец и забележа висока победа од 8:3 во натпревар исполнет со голови.
Најинтересно беше во последниот натпревар од вечерта, каде Десово Градба уште еднаш се радуваше на победа, совладувајќи го KF Vëllazërimi со 5:3.
Резултати:
Рибник Добреноец – Десово Градба 1:3
Рибник Добреноец – KF Vëllazërimi 3:8
Десово Градба – KF Vëllazërimi 5:3
Турнирот „Црнилиште Куп 2026“ и оваа година потврдува дека е еден од најдобро организираните турнири во регионот, а „Спортска Мрежа“, како и во изминатите години, е медиумски покровител на оваа спортска манифестација.
