Љубителите на малиот фудбал и оваа година ќе имаат можност да бидат дел од еден од најатрактивните турнири во регионот. Организаторите на турнирот во мал фудбал „Конче 2026“ ги отворија пријавувањата за учество, а интересот за традиционалниот спортски настан веќе расте.
Екипите кои сакаат да се натпреваруваат можат да се пријават најдоцна до 22 јуни, додека котизацијата за учество изнесува 3.000 денари по екипа.
Турнирот и оваа година носи богат награден фонд. За освојувачот на првото место се обезбедени 200.000 денари, второпласираната екипа ќе добие 100.000 денари, третото место носи награда од 50.000 денари, додека четвртопласираниот тим ќе инкасира 20.000 денари.
Организаторите ги повикуваат сите заинтересирани екипи навреме да го потврдат своето учество и да бидат дел од уште едно возбудливо издание на турнирот, кој секоја година привлекува голем број фудбалери, љубители на спортот и посетители.
Дополнителна вредност на настанот ќе биде и медиумската поддршка, бидејќи спортскиот портал „Спортска Мрежа“ и оваа година ќе биде медиумски покровител на турнирот, обезбедувајќи навремено информирање за сите случувања, резултати и интересни моменти од натпреварите.
За повеќе информации и пријавување, заинтересираните можат да се обратат на телефонските броеви 070 996 529 и 075 496 023.
Турнирот во мал фудбал „Конче“ и оваа година ветува одлична атмосфера, квалитетни натпревари и борба за вредните награди.
