По завршувањето на возбудливата групна фаза, од сабота официјално започнува нокаут фазата на турнирот во мал фудбал „Враништа 2026“, каде екипите ќе водат голема битка за пласман во следната рунда и продолжување на патот кон шампионскиот пехар.
Љубителите на малиот фудбал и оваа година ќе имаат можност да проследат бројни неизвесни и атрактивни натпревари, а турнирот продолжува со елиминациски дуели во три натпреварувачки дена.
Во сабота (23 мај) ќе се одиграат следните натпревари:
20:00 — Златара Бени и Ерол – Гост. кај Мече
21:00 — Викса Пром – Чикос Алегрес
22:00 — Хотел Тино – АСП-ПАК
23:00 — Екстра Скопско – Сточарска фар. Милески
Во недела (24 мај) програмата продолжува со:
20:00 — Инекс Олгица – КОВ Охрид
21:00 — Дооел Ноче – Термити Битола
22:00 — БИ-ЗИ Груп – Агро-рес Ресен
23:00 — Сатеска – Демо Пласт
Додека пак во понеделник (25 мај) ќе се играат последните натпревари од нокаут фазата:
20:00 — ТОМ-ГОР – Охридски бисер Филеви
21:00 — Кафе бар 9 – Гранит Х
22:00 — Аце Најдески – Јован 2014
23:00 — Чардак Велгошти – Ескобар Волино
По комплетирањето на нокаут фазата ќе бидат формирани четири групи со по три екипи, а двете најдобро пласирани екипи од секоја група ќе обезбедат место во четвртфиналето. Ждрепката за новоформираните групи ќе се одржи веднаш по завршувањето на последниот натпревар од нокаут фазата.
И оваа година Спортска Мрежа ќе биде медиумски покровител на турнирот, а љубителите на спортот ќе имаат можност секоја вечер да читаат детални извештаи, резултати и информации од натпреварите, сè до големото финале на турнирот.
