Југот на Македонија од 22 до 24 мај ќе биде центар на младинскиот фудбал, откако во Валандово, Дојран и Гевгелија ќе се одржи елитниот Интернационал Мастерс Куп 2026.
На турнирот ќе настапат европски гиганти и реномирани младински академии како Црвена Звезда, Бешикташ, Чукарички, Панатинаикос, Гент, Фенербахче… се само дел од елитата што е потврда дека турнирот уште во своето прво издание добива интернационален и престижен карактер.
Организаторите веќе ги објавија и локациите каде ќе се играат натпреварите по генерации:
- Во Дојран ќе настапуваат категориите U11 и U12.
- Во Валандово ќе играат категориите U9 и U10.
- Во Гевгелија ќе се натпреваруваат категориите U8 и U12.
Стадионите во Валандово, Гевгелија и Дојран се во одлична состојба и подготвени да бидат домаќини на вистински младински фудбалски спектакл.
Организаторите најавуваат врвни услови за игра, професионално судење и силен акцент на фер-плеј и развој на младите фудбалери.
Интересот за турнирот е огромен, а присуството на европски гиганти дополнително ја зголемува возбудата кај љубителите на фудбалот.
Спортска Мрежа – ексклузивен медиумски покровител
Спортскиот портал Спортска Мрежа ќе биде ексклузивен медиумски покровител на турнирот, а дел од натпреварите љубителите на фудбалот ќе можат да ги следат и преку преноси во живо на Спортска Мрежа.
