Екипата на Кратово запиша херојска победа откако успеа на гостински терен со 2:4 да слави победа над СЕЕ Университи во рамки на 8. коло од Втората футсал лига.
Домаќинот по само една минута игра дојде до водство преку Амин Шаќири, а потоа Димитар Стојановски со два брзи гола донесе водство за Кратово од 1:2. Во финишот на првиот дел Зеќирија Османи постигна гол за 2:2 на полувреме.
Во вториот дел натпреварот го реши Ѓорѓи Ивановски кој постигна два погодоци во 29. и 38. минута со што трите бодови заминаа во Кратово.
До комплетирање на колото Кратово ќе биде на 7. место со девет бодови, колку што има СЕЕ Университи кој е место подолу на второлигашката табела.
