Организаторите на Охрид Куп ги претставија првите екипи кои доаѓаат на првото издание од овој детски фудбалски турнир кој се организира под мотото „Секое дете е победник“ со тоа што секое дете добива медал и маичка, додека пак за тренерите се обезбедени тренерки.
Партизан Југ од Брвеница доаѓа на Охрид Куп 2026, клуб со силен фокус на развојот на младинските категории и промоција на спортските вредности во локалната заедница. Партизан Југ од Брвеница со сојот квалитет ќе придонесе за силна конкуренција на Охрид Куп.
На Охрид Куп доаѓа и најголемото фудбалско семејство од Радовиш – Детонит Плачковица го потврди своето учество на Охрид Куп 2026.
Фудбалското семејство на Детонит Плачковица е најголемо во Радовиш, вкупно 160 деца, со 110 во Детската лига на ФФМ, а најмалата возрасна категорија во лигата е генерација 2018 година.
Клубот е вистински расадник на млади таленти, а Детонит Плачковица има и „Киндер група“ од генерации 2019 и 2020. Во пионерско младинската категорија имаат четири пријавени генерации, највозрасната е 2007 година. Радовишани носат силна конкуренција на Охрид Куп.
Во секој нареден ден ќе бидат промовирани нови екипи, а првото издание од овој турнир ќе се одржи од 18 до 21 јуни.
Спортска Мрежа ќе биде медиумски покровител на овој спортски настан, а секоја екипа која ќе учествува на Охрид Куп ќе има бесплатна медиумска поддршка во текот на 2026 година, што уште една предност зошто и вие да учествуваше со вашата екипа на Охрид Куп.
