Во тек се пријавувањата за овогодинешното издание од Новогодишниот турнир во мал фудбал „Куклиш 2024“, струмичко, турнир каде првопласираната екипа ќе освои 150.000 денари.
Пријавувањата се отворени до 3. декември, а ден подоцна ќе започне турнирот, каде второпласираниот тим ќе освои парична награда од 70.000 денари, за третопласираната екипа е предвидена парична награда од 30.000 денари, додека пак за четвртопласираната екипа ќе следува награда од 10.000 денари.
Организаторот на овој турнир предвидува и награди за најдобар стрелец, најдобар играч и најдобар голман.
Котизацијата по екипа изнесува 5.000 денари, а пријавувањето на екипа можете да го направите на 077 / 731 – 748 кај Добре.
Натпреварите ќе се одиграат во Спортската сала „Тодор Александров“ во село Куклиш, Струмица. Како и во изминатите изданија, така и оваа година интересот освен од екипите е голем и од публиката, која во целост ја исполнува единствента трибина во оваа спортска сала, со одлична навивачка атмосферата, а со тоа потврда за одличната организација на овој турнир, за кој интересот е се поголем од година во година.
Спортска Мрежа ќе биде медиумски покровител на овој спортски настан, кој од година во година прераснува во голем спортски настан на кој учество земаат екипи од цела Македонија.
