Седмата рунда од Првата футсал лига беше отворена во Кавадарци каде Црна Река и Кеги Моби ги поделија бодовите откако двете екипи одиграа 3:3.
Блажевски, Димов и Коцев беа стрелци за домашнот тим, додека пак за гостинот од Велес стрелец на сите три погодоци беше Атанасовски.
Бутел на домашен терен претрпе нов пораз, овој пат од Јувентус Серава со резултат од 5:8 со што гостинскиот тим запиша важен триумф.
Калчев беше двоен стрелец за домаќинот, а по еден гол постигнаа Абази, Манџуковски и Тодоровски. За гостинскито тим АМет Бајрами, Сами Аљиљи и Армандо Алијевиќ беа двојни стрелци, додека пак Шабани и Мамуд постигнаа по еден гол.
Меч со девет погодоци се одигра во Гевгелија каде Проект со 7:2 беше подобар од Осогово, откако во првиот дел немаше погодоци. Во второто полувреме Ристовски постигна гол за 0:1, а пак Даиловски израмни. Тодоровски по втор пат обезбеди предност за Осогово, а пак Даиловски со втор гол одново израмни на 2:2. До крајот на мечот Благојевски постигна хет-трик, а пак Јаневски и Стојановски со по еден гол ги постави конечните 7:2.
Колото ќе се комплетира утре со натпреварот меѓу Шкупи и Железарец.
