Уште четири кола до крајот од Втората македонска фудбалска лига, уште 12 бодови во игра, а во второлигашкото друштво ќе има само борба за влез во Прва лига, останатите работи се кристално јасни.
Ги имаме екипи кои ќе играат бараж за опстанок и официјално ги имаме петте екипи кои испаднаа во Трета лига.
За Кожуф од Гевгелија една работа стана кристално јасна – ќе мора да игра бараж за опстанок во второлигашкото друштво.
Тимот е на деветтото место со 36 бодови и има осум бодови негатива од бараж зоната, а во игра се 12 бодови.
Веќе во следното коло и математички ќе се потврди баражот за Кожуф, па тимот на Иван Варадиновски ќе мора преку бараж да ја спасува сезоната односно да го избори опстанокот во Втората лига.
Во следното коло Кожуф ќе игра во Кочани против Осогово.
