Ракометниот клуб Младост од Богданци вчера одигра 27:27 во Кисела Вода против Драчево Јуниор за делба на бодовите, во рамки на 26. коло на Првата лига.
Гостите имаа водство се до последните пет минути од средбата, а на полувреме заминаа со предност од 11:16, сепак домашниот тим на крај успеа да стигне до реми и бод.
Веднаш по мечот Младост преку официјално соопштение упати критики до судиите, но притоа и најави дека во текот на следната недела ќе размислува дали воопшто и ќе го продолжи со натпреварување.
„Нашиот тим одигра само нерешено во Скопје против РК Драчево. Иако во целиот натпревар нашиот тим ја имаше контролата на натпреварот по неколку сомнителни судиски одлуки во текот на мечот особено во последните 15 секунди кога домаќините ја изгубија топката и од страна на судиската двојка беше досуден непостоечки прекршок за домаќините и со тоа беше спречена чиста наша контра за гол и победа. РК Младост 1977 сите овие години работи чесно градејќи го тимот со многу вложување и многу работа освен во сениорите и во младите категории во Југоистокот и нема да дозволи во ниту еден случај да биде дел од оваа денешна голема неправда. Се надеваме дека РФМ ќе проработи на оваа денешна неправда, а РК Младост 1977 во текот на следна недела ќе донесе и официјална одлука дали воопшто ќе го продолжи првенството понатаму“, се вели во соопштението на клубот од Богданци.
Младост е есенски шампион, клуб со богата и голема традиција, клуб кој играл долги години во Европа, клуб кој сериозно вложува во младинските категории и е најголемиот ракометен проект во Југоистокот на Македонија.
