В недела се играат мечевите од 18. коло на Трета лига – Исток, познати се и судиите кои ќе ја делат правдата на четирите натпревари.
Колото се отвара во Пирава во 15:30 часот со дербито на Југот меѓу Ударник и Дојранско Езеро. Ристе Бојчев ќе биде главен арбитар, а негови помошници ќе бидат Богданчо Ѓеоргиев и Даниел Ангелов.
Контролор на овој меч ќе биде Крсто Пандев, делегат е Драги Јанушев.
Останатите три средби ќе започнат во 16 часот.
Дербито во Валандово меѓу Победа и Хоризонт Турново ќе го суди Крумислав Ѓоргиев, негови помошници ќе бидат Ристо Ѓоргиев и Дејан Стоиков.
Наум Мицев ќе биде делегат на дербито, а пак Александар Ангелов ќе биде контролор.
Македонското „Ел класико“ во Делчево меѓу Брегалница и Малеш од Берово ќе го суди Блаже Петковски, а негови помошници ќе бидат Иван Танев и Стефан Митров, додека пак контролор ќе биде Алекса Горбашлиев.
Делегат во Делчево е Митко Бојаџиев.
Карбинци на домашен терен ќе игра против Тиверија, а правдата на овој меч ќе ја дели Тодор Апостолов, додека пак негови помошници ќе бидат Мики Ѓеоргиевски и Тоше Џамов, а контролор ќе биде Јордан Гицов.
Делегат е Ангел Дамјанов.
