Искусниот македонски фудбалер Бојан Најденов во моментот инвестира во своето знаење и иднина како тренер, откако го посетува курсот за УЕФА А лиценца, едно од највисоките нивоа на тренерска едукација во европскиот фудбал. Со овој чекор, Најденов јасно ја најавува својата транзиција кон тренерските води по долгата и богата играчка кариера.
Станува збор за фудбалер со големо искуство и интернационално реноме, кој зад себе има настапи за повеќе клубови во Македонија, но и во странство. Во домашното првенство ги носеше дресовите на Беласица, Кожуф, Брера Струмица, Вардар, Работнички и Хоризонт Турново.
Надвор од Македонија, Најденов настапуваше за египетскиот Смуха, иранскиот гигант Естеглал, албанскиот Лачи, узбекистанските Навбахор и Локомотив Кашкент, како и за црногорската Искра.
Во својата кариера има освоено и значајни трофеи – шампионската титула со Локомотив Кашкент во сезоната 2022/2023, како и Купот на Иран со Естеглал во сезоната 2017/2018.
Бојан Најденов има и репрезентативно искуство, настапувајќи за сениорската репрезентација на Македонија, каде своето деби го запиша во 2014 година.
Со вакво фудбалско педигре, јасно е дека Најденов влегува во тренерската едукација со огромно знаење и искуство. Неговото приклучување на УЕФА А курсот претставува прв чекор кон ново поглавје во кариерата, каде што од теренот полека преминува во улога на стратег и фудбалски ментор.
