Џемаили: Шкупи е големо име, но ние влегуваме максимално сериозно

Фудбалерот на Арсими, Семир Џемаили, даде изјава во пресрет на натпреварот против Шкупи, осврнувајќи се на формата на противникот и амбициите на својот тим до крајот на сезоната.

Џемаили нагласи дека Шкупи е клуб со богата традиција и реноме во македонскиот фудбал, кој во минатото бил меѓу најсилните екипи. Сепак, според него, тимот во моментов минува низ тежок период поради одредени проблеми.

И покрај актуелната состојба на ривалот, фудбалерот на Арсими истакна дека неговата екипа ќе пристапи максимално сериозно, со целосен респект и без никакво потценување.

“Шкупи е голем клуб со богата историја. Ние не гледаме на нивната моментална ситуација, туку се подготвуваме сериозно и со почит, исто како и против секој друг тим во лигата. Против Работнички одигравме солиден натпревар, но некои ситни грешки не казнија. Тоа се детали на кои мора да внимаваме во продолжението.

За нас секој натпревар е од огромно значење. Потребен е максимален фокус до самиот крај за да ја оствариме целта,“ заклучи фудбалерот на Арсими.

Натпреварот Арсими -Шкупи се игра на Градскиот стадион во Гостивар со почеток во 12 часот.