По тешкиот пораз од Вардар, фудбалерите на Шкупи веќе го насочија вниманието кон следниот предизвик. Во рамките на 29. коло од Првата лига, денеска гостуваат кај Арсими во Гостивар.
Домашниот тим е под силен притисок да освои бодови во борбата за опстанок, додека Шкупи во овој натпревар влегува со јасна цел – да ја забележи првата победа сезонава против овој ривал.
Младиот фудбалер на Шкупи, Ендрит Акику, во пресрет на мечот порача дека екипата е максимално мотивирана и подготвена да одговори на предизвикот, без оглед на околностите.
„Не е важно дали играме со млади или со искусни фудбалери. Ние сме Шкупи и во секој натпревар влегуваме со цел да го дадеме максимумот. Не се плашиме од никого. Тука сме да ги браниме боите на клубот до последната секунда. Очекуваме фер игра и ќе се бориме за позитивен резултат“, изјави Акику.
Тимот на Арсими се покажа како „незгоден“ противник за Шкупи оваа сезона, доминирајќи во досегашните пресметки во Прва Лига, Арсими славеше во двата натпревари (4-2 и 3-0).
Арсими победи на последниот пријателски натпревар (1-0), додека единствениот триумф на Шкупи датира од пријателскиот меч на 23 март 2024 година (3-1).
Натпреварот помеѓу Арсими и Шкупи ќе се одигра денеска на стадионот во Гостивар со почеток во 12:00 часот.
