Голема и важна победа слави Кораби на гостувањето кај Велешта, во рамки на воведниот меч на 11. коло на Трета лига – Југозапад.
Гостинот од Дебар одлично го отвори натпревар со добар пристап на играта дојде до 0:2 на полуреме, откако најпрво Адем Колоња постигна гол во 22. минута за 0:1, а пак голгетерот Фатјон Леши во 31. минута ја дуплираше предност за 0:2 на полувреме.
Во вториот дел домаќинот покажа дека мечот не е решен, и со два брзи гола преку Анит Хани во 65. минута и Диели Каба четири минути подоцна резултатот беше 2:2.
Сепак, само две минути подоцна Фатјон Леши со втор гол ги постави конечните 2:3 со што трите бодови заминаа во Дебар.
Сега Кораби ќе го чека исходот од комплетирањето на 11. коло, односно ќе чека кикс на конкурентите Преспа од Ресен и Сатеска од Волино.
Денес Славеј во Мешеишта го чека Е. Онлајн, Кравари ќе игра против Караорман, Влазними на соочување со Сатеска од Волина, Света Троица дома ќе има тежок меч против фаворитот Преспа од Ресен, а пак Светлст ќе биде домаќин на Демир Хисар.
