По една сезона во Втората македонска фудбалска лига екипата на Преспа од Ресен експресно се враќа назад во Трета лига – Југ.
Денес на стадионот „Билјанини Извори“ екипата на Преспа беше декласирана со 6:1 од Охрид, впишувајќи го 21 пораз сезонава односно петтиот во низа.
Преспа е на 13. место со 12 бодови, во игра остануваат 15 бодови, а од деветтото место кое води во баражот за опстанок, „јаболкарите“ имаат 17 бодови негатива, а тоа значи и математички се селат во Трета лига – Југ за следната сезона.
Во следното коло Преспа на домашен терен ќе игра против Скопје уште еден тежок меч каде поради огромната разлика во квалитет јасно е дека Преспа ќе запише нов пораз.
Ресен после долги години имаше можност за првпат да следи второлигашки фудбал, но тоа траеше само една сезона.
