Детонит Плачковица со минимални 0:1 загуби од Брегалница во дербито на 25. коло на Втора лига, а единствен стрелец беше Бојан Рајков.
Доста шанси не реализираше тимот од Радовиш, особено од 72. минута кога голманот на „сините“ Филип Купанов доби директен црвен картон поради спречување на очигледна шанса за гол надвор од 16-те метри.
Тренерот на Детонит Плачковица, Горан Здравков им честиташе на фудбалерите на Брегалница за победата, истакна дека одиграле борбен меч, но недостасувале погодоците од нивна страна.
„Честитки за Брегалница која заслужено победи денес. Ние го дадовме максимумот за да стигнеме до позитивен резултат, имавме еден борбен натпревар, но недостасуваа головите од наша страна. Се насочуваме кон следниот меч“, изјави Горан Здравков, тренерот на Детонит Плачковица.
Сега радовишани се насочуваат кон следните предизвици кои стојат пред тимот од крајот од сезоната.
