Ѓорческа елиминирана во Порторож, Завацка убедлива во два сета

Македонската тенисерка Лина Ѓорческа го заврши настапот на ИТФ турнирот во Порторож, кој се играше за награден фонд од 60.000 долари, откако беше поразена во второто коло од Катарина Завацка со 2:0 во сетови (6:2, 6:0) за 69 минути игра.

Ѓорческа имаше добар почеток на натпреварот, откако го освои првиот гем и направи брејк, но потоа следуваше пад во играта. Украинката врза четири последователни гема и поведе со 4:1, по што рутински го приведе првиот сет до крај со 6:2. Во вториот сет, македонската тенисерка не успеа да најде ритам и остана без освоен гем.

Следниот предизвик за Ѓорческа ќе биде ИТФ турнирот W100 во Висбаден, каде според моменталниот ранкинг се наоѓа на листата за квалификации.