Репрезентацијата на Македонија до 16 години со победа го отвори настапот на развојниот турнир на УЕФА што се одржува во Струмица, откако по изведување на пенали ја совлада селекцијата на Северна Ирска.
По 90 минути игра без голови, победникот беше решен по подобро изведување на удари од белата точка. Клучниот пенал за триумфот го реализираше Благојче Седлоски, кој сигурно го совлада противничкиот голман.
Според правилата на развојните турнири, победникот по пенали освојува два бода, додека поразениот тим добива еден.
Иако Македонија се радуваше на победата, селекцијата на Северна Ирска остави подобар впечаток во текот на натпреварот, создавајќи неколку сериозни можности, но без реализација.
Нашата репрезентација имаше свои шанси – во 31. минута по одличното додавање од Матеја Масев, Адријан Велески се обиде со лоб удар, но топката заврши покрај голот.
Во самиот финиш, во 81. минута, Александар Полимац имаше одлична можност да донесе победа во регуларниот дел, но не успеа да ја затресе мрежата.
Во следниот натпревар, Македонија ќе се соочи со селекцијата на Узбекистан, а дуелот ќе се одигра во петок со почеток од 15:30 часот.
МАКЕДОНИЈА: Илхан Мехмети, Филип Ѓорѓиоски (Арди Бајрами 58), Матеј Бочески (Марио Стојчевски 58), Матеја Масев (Митко Стојанов 70), Александар Полимац (Ефе Раифи 79), Дардан Адеми (Далибор Марковиќ 70), Павел Стојанов (Огнен Сивевски 46), Илија Аксентиев, Адријан Велески (Благоја Седлоски 70), Џихан Ибраими (Михајло Павлов 58), Осман Исмаили (Марин Крстевски 46).
Селектор: Иљами Исејни
