Во Втората женска фудбалска лига веќе многу работи станаа јасни и всушност сè е јасно. Конзули од Битола ќе биде нов прволигаш, а некогашниот шампион Билјанини Извори од Охрид се подготвува за бараж за можен влез во Прв лига.
Но, јасно е и кој ќе ја освои „златната копачка“ во Втората лига. Ева Андонова е убедливо најдобар стрелец во лигата со постигнати 21 гол. Фудбалерката на Слободен доминира и сигурно ќе заврши како најдобар стрелец.
Дел од овие погодоци Андонова ги постигна во дресот на охридскиот клуб, бидејќи во есенската полусезона настапуваше за Билјанини Извори, а во зимскиот преоден рок се пресели во Слободен.
На второто место на оваа листа е Мелиса Милица Димитриоска, која за Конзули постигна 14 погодоци, а пак трет најдобар стрелец е Јована Ѓорѓиоска Блажеска од тимот на Порече со 12 погодоци. Четврт најдобра стрелец е Стефанија Ристова, која во дресот на Билјанини Извори има 11 погодоци.
По осум гола имаат фудбалерките на Конзули, Тамара Нешковска, Марија Стојановска и искусната Мила Талевска, а пак седум погодоци има Марија Јулчовска за Билјанини Извори.
