По 13 одиграни кола во Трета лига – Запад се „разгорува“ како трката за шампионската титула, така и за „златната копачка“ односно кој да биде најдобар стрелец.
Најдобар стрелец и натаму останува Хакан Алимоски од екипата на Могила, кој има постигнато 13 погодоци, три повеќе од вториот најдобар стрелец Владе Јанакиевски, кој за тимот на Напредок од Ношпал постигна десет гола.
На делба на третото место со по девет погодоци се Фатјон Леши (Кораб) и Денис Шадов (Влазними), а пак Антонио Ќитаноски за Славеј од Мешеишта постигна седум гола.
Повеќе фудбалери има со по пет погодоци – Ненад Балоски и Лука Богданоски (Караорман), Темур Емини (Кравари), Самед Кадриоски и Аљтин Лога (Влазними), Филип Кебаковкси (Напредок Ношпал), Даниел Короскоски (Славеј Мешеишта) и Елмаз Шеи (Велешта).
Во однос на постигнати автоголови на врвот на оваа неславна листа е Христијан Китрозоски од Славеј Мешеишта со два автогола, а по еден автогол имаат Валентин Ѓорѓиески и Димитар Аќимовиќ од Славеј Мешеишта, Горан Јакопетревски од Кравари, Михаил Гулугаровски од Напредок Ношпал и Бојан Кантаровски од Могила.
