В недела се играат мечевите од 17. коло на Третата македонска фудбалска лига – Исток, откако минатиот викенд третолигашите во овој регион беа слободни поради Велигденските празници.
Двајца фудбалери овој викенд ќе бидат слободни, односно нема да може да настапат за своите фудбалери поради акумулирани пет жолти картони.
Во Берово ќе се одигра мечот меѓу Малеш и Карбинци, а и двете екипи нема да може да сметаат на по еден фудбалер. Поради пет жолти картони Матеј Левков нема да настапи за Малеш, а пак Филип Бојажиев нема да настапи за Карбинци.
Голема е листата на фудбалери со акумулирани четири жолти картони – Емил Рунчевски (Овче Поле), Марјанчо Пачарски (Малеш), Димитар Пеев (Дојранско Езеро), Тоше Спиридонов, Перо Георгиевски и Никола Илиевски (Карбини), Елдан Шата и тренерот Кристијан Ристов (Победа Валандово), Никола Стојанов (Тиверија), како и Петар Илеив и Петар Буровски (Хоризонт Турново).
При следниот жолт картон кај некои од овие фудбалери, следниот меч ќе го пропуштат.
