Репрезентацијата на Македонија забележа минимална победа од 0:1 над домаќинот Литванија за освојување на првото место во групата.
Стрелец на победничкиот гол беше Бојан Јанев кој погоди во 13. минута од средбата, а кој гол се покажа доволен за триумф на нашите футсалци. Одличен на голот на македонската репрезентација беше Иван Стојановски – Шваба кој ја сочува чиста својата мрежа.
Македонија претходно славеше над Турција (6:3) и над Бугарија (4:1), а со овој триумф над Литванија го потврди првото место.
Нашата репрезентација предводена од селекторот Газменд Хисејини обезбеди место во главната рунда од квалификациите за учество на Светското првенство.
