Македонската футсал репрезентација со убедлива победа ги отвори квалификациите за пласман на Светското првенство, откако ја совлада Бугарија со 4:1 во рамки на првото коло.
Избраниците на селекторот Газменд Хисејини одиграа одличен натпревар и доминираа во текот на целата средба. Потребни беа само две минути за Македонија да поведе, кога Иван Крстевски погоди за 1:0. Во 9. минута Берат Рамадани зголеми на 2:0, додека десет минути подоцна Тони Киревски не успеа да реализира удар од белата точка.
Во второто полувреме Бугарија се врати во игра преку Владимир Бахаров, кој во 22. минута намали на 2:1. Сепак, Македонија продолжи со силен притисок и ја потврди победата во самиот финиш.
Во 38. минута голманот Антонио Петровски постигна несекојдневен погодок од својот гол за 3:1, а веќе во следната акција Рамадани со својот втор гол ги постави конечните 4:1.
Македонија веќе утре ја очекува нов предизвик против Турција, додека на 12 април ќе се соочи со домаќинот Литванија. Пласман во главната рунда од квалификациите обезбедуваат двете првопласирани селекции од групата.
