Неверојатен меч се одигра во Ношпал – драмата ја доби Славеј откако тимот од Мешеишта со џиновски пресврт славеше со 3:4 над Напредок, во рамки на 13. коло на Трета лига – Југ.
„Не е можно“ тоа што домашниот тим го „прокоцка“ за само петнаесет минути игра имаше предност од три гола, а на крајот остана без бодови. Христијан Китрозоски по три минути си постигна автогол, а со тоа Напредок дојде до предност од 1:0 Потоа Владе Јанакиевски и Фатон Таировски погодија за 3:0.
Вториот дел донесе неверојатен пресврт. Никола Секуловски во 46. минута постигна гол за 3:1, а во 60. минута Марио Крстески погоди за 3:2. Следуваше нов автогол, овој пат на спротивната страна во 65. минута Михаил Гулугаровски ја стресе својата мрежа за 3:3 што беше вистински шок за домашните фудбалер и домашната публика.
Само четири минути подоцна искусниот голгетер Никола Секулоски постигна втор гол за конечни 3:4 и неверојатен луд пресврт за тимот од Мешеишта.
Трите бодови останаа во Дебар откако Кораб со 3:1 го доби составот на Могила, а благодарение на трите гола на голгетерот Фатјон Леши, а победата доаѓа преку пресврт, бидејќи гостинот преку Хакан Алимовски во 3. минута дојде до водство.
Четири погодоци во Охрид за делба на бодовите на Света Троица и Кравари (4:4). Охриѓани имаа предност од два гола преку Никола Угриноски и Леонид Џајкоски по единаесет минути игра, а потоа Иве Трифуновски погоди за 2:1 на полувреме.
Во вториот дел Трифуновски погоди за 2:2 во 52. минута, по што домаќинот дојде до 4:2 преку Кипријан Петрески и Кристијан Трајаноски, а гостинот преку Темур Емини и Јовица Христовски стигна до конечните 4:4.
Влазними го доби градското дерби во Струга откако со 1:2 славеше на Караорман. Рејхан Џелеши во 34. минута погоди за 0:1 и водство на Влазними, а во 43. минута Лука Богданоски погоди за 1:1.
Сепак, во вториот дел Пајазит Салиу погоди покрај Охридското Езеро за конечни 1:2.
Во рамки на 13. коло слободна беше екипата на Демир Хисар, која требаше да игра со откажаната Велешта.
На врвот од табелата во Трета лига – Југозапад е Влазними со 28 бодови, Славеј од Мешеишта е втор со 26 бодови, а со по 22 бодови Могила и Караорман го делат третото место.
