Скопје синоќа ги прогласи најдобрите спортисти, тренер и спортска екипа за 2025 година. Свечена манифестација во организација на град Скопје и Сојузот на спортови на Скопје.
За најдобар тренер на град Скопје за 2025 година беше прогласен Кирил Лазаров од ракометниот клуб Алкалоид, а токму Алкалоид беше прогласен за најдобра спортска екипа за 2025 година. Минатата година тимот од Автокоманда го освои ЕХФ Купот.
Во младинска категорија за најдобри беа прогласени:
– Филип Блажевски – Таеквондо клуб Бутел
– Андреј Ѓурчиновски – Билјард и снукер клуб Гран Клуб
– Абдул Азиз Азизи – Спортски клуб по борење Шкупи
– Ведрана Тунески – Таеквондо клуб Бутел
– Петар Цеков – Пливачки клуб Вардар 2018
– Јована Мицовска – Карате клуб Макпетрол
– Данило Божовиќ – Карате клуб Макпетрол
– Ива Богдановска – Џудо клуб Миоки
– Максим Митровски – Кик Бокс клуб Шампион
– Милијана Рељиќ – Таеквондо клуб Тигри.
Во сениорска конкуренција град Скопје ги прогласи:
– Стефан Михајловски – Кик Бокс клуб Прокик Фемили
– Вероника Костовска – Карате клуб Олимпик Спорт 2007
– Катерина Ацевска – Џиу Џитца клуб Дан – Кју
– Ангела Мојсовска – Карате клуб Макпетрол
– Христијан Бузалковски – Мото клуб СЕВЕНТУ ОНЕ ТЕАМ
– Тони Лазов – Шаховски клуб Алкалоид
– Дарио Ивановски – Атлетски клуб Скопски Маратон
– Викторија Јовановска – Карате клуб Макпетрол
– Андреас Трајковски – Атлетски клуб Работнички
– Марија Спирковска – Боречки клуб Лирија.
„Денес, со особена чест и искрена почит, им оддадовме признание на најдобрите спортисти, тренери и спортски екипи на Град Скопје, на оние кои со својата посветеност, дисциплина и искрена љубов кон спортот достоинствено го претставуваат нашиот град на највисоко ниво. Ова е ден на почит кон вложениот труд, кон секоја жртва направена на патот до успехот, кон секоја победа што нѐ воздигнува, но и кон секој пораз од кој се учи, се зајакнува карактерот и се станува подобар и посилен. Особена гордост претставува што денес ги наградуваме и нашите млади, јуниорите, иднината на спортот. Вие сте жив доказ дека со упорност, верба и чиста страст, соништата не се далечни, туку достижни. Подеднакво значајни се и нашите сениори, веќе докажани спортисти, кои го носат името на Скопје и на нашата држава со чест и достоинство на меѓународната сцена. Вие сте вистински амбасадори на успехот и на вредностите што градат едно здраво и силно општество. Со посебна чест денес ги истакнуваме и олимпијците, како и спортистите со попреченост – вистинските херои на нашето време. Вашата сила, храброст и истрајност се инспирација за сите нас. Вие не само што ги поместувате границите во спортот, туку ги рушите и бариерите во општеството, отворајќи пат кон еднаквост и почит. Град Скопје останува цврсто определен да го поддржува спортот преку инвестиции, развој на инфраструктурата и создавање услови во кои секој млад човек ќе има можност да се развива, да напредува и да успее“, рече градоначалникот на град Скопје, Орце Ѓорѓиевски.
Во категоријата спортист за лица со инвалидност признанието отиде кај Андреј Стојаноски од пливачки клуб Вардар. Во категоријата спортска екипа на атлети со интелектуална попреченост наградата е доделена на Специјална Олимпијада на Македонија
