На осум кола до крајот во Втората македонска фудбалска лига останува неизвесно само кој ќе биде шампион и ќе има директен влез во Прва лига за следната сезона.
Скопје е лидер со 50 бодови, на делба на второто место со по 49 бодови се Охрид, Брегалница и Шкендија Арачиново.
Која од овие екипи има најповолен распоред до крајот од второлигашкиот шампионат?
Скопје
23 коло Скопје – Брегалница
24 коло Новаци – Скопје
25 коло Скопје – Каменица Саса
26 коло Преспа – Скопје
27 коло Скопје – Охрид
28 коло Тетекс – Скопје
29 коло Големо – Големо Коњари
30 коло Скопје – Детонит Плачковица
Охрид
23 коло Охрид – Новаци
24 коло Каменица Саса – Охрид
25 коло Охрид – Преспа
26 коло Тетекс – Охрид
27 коло Скопје – Охрид
28 коло Охрид – Големо Коњари
29 коло Детонит Плачковица – Охрид
30 коло Охрид – Слога Виница
Брегалница
23 коло Скопје – Брегалница
24 коло Брегалница – Големо Коњари
25 коло Детонит Плачковица – Брегалница
26 коло Брегалница – Слога Виница
27 коло Беласица – Бреглница
28 коло Брегалница – Шкендија Арачиново
29 коло Осогово – Брегалница
30 коло Брегалница – Победа
Шкендија Арачиново
23 коло Шкендија Арачиново – Тетекс
24 коло Осогово – Шкендија Арачиново
25 коло Шкендија Арачиново – Победа
26 коло Кожуф – Шкендија Арачиново
27 коло Шкендија Арачиново – Вардар Неготино
28 коло Брегалница – Шкендија Арачиново
29 коло Шкендија Арачиново – Новаци
30 коло Каменица Саса – Шкендија Арачиново
Голема предност за Скопје и Брегалница е тоа што ги завршија настапите во Купот, а Охрид и Шкендија Арачиново ги очекува двомеч во полуфиналето од Купот каде што овие две екипи ќе потрошат значителна енергија и сила, со тоа ги очекува борба на два фронта.
Скопје го има најповолниот распоред бидејќи до крајот ќе игра дерби мечевите само со Брегалница и Охрид и тоа на домашен терен. Охрид ќе има тешко гостување кај Скопје во Автокоманда и во Радовиш кај Детонит Плачковица.
Брегалница веќе в сабота со тешко гостување кај Скопје, дома ќе игра со Шкендија Арачиново, а ќе има тешко гостување и во Радовиш кај Детонит Плачковица, но ќе биде неизвесно и со Осогово во Кочани.
Шкендија Арачиново ќе има тешко гостување во Штип кај Брегалница, а претходно ќе има тешки гостувања во Кочани и Гевгелија.
