Трета лигаФудбал

ФОТО: Големиот Игор Џамбазов на чело на ФК Дојранско Езеро!

Сподели
Сподели

Фудбалскиот клуб ФК Дојранско Езеро добива нова енергија и сериозна организациска структура, откако беше формирана нова управа составена од луѓе кои искрено го сакаат фудбалот и веќе имаат дадено значаен придонес во спортот.

На чело на клубот како претседател застанува легендарниот Игор Џамбазов – актер, музичар, ТВ-водител и еден од најпрепознатливите јавни личности во Македонија, кој сега ја започнува својата нова спортска приказна, ексклузивно дознава Спортска Мрежа, а за што потврдија и од клубот.

Покрај него, дел од управата се и Мишел Истатов кој е син на Благој Истатов, Кирил Изов кој е селектор на женската фудбалска репрезентација на Македонија и тренер на ЖФК Истатов и Дине Бојаџиев, додека функцијата секретар ќе ја извршува Иле Поп Костов.

Клубот од Нов Дојран, кој моментално се натпреварува во Трета македонска фудбалска лига – Исток, покрај сениорскиот тим располага и со младински категории, што претставува важна основа за развој на идните генерации.

ФК Дојранско Езеро е основан во 1978 година и својот најголем успех го има со настапите во Втора македонска фудбалска лига. Клубот располага со сопствен стадион и одлична спортска инфраструктура, што му дава потенцијал за понатамошен раст.

Особено емотивна димензија на оваа приказна дава поврзаноста со легендарниот Благој Истатов. Клубот имал огромно значење за него, а денес неговото семејство – Истатови, ја продолжуваат традицијата и љубовта кон клубот.



Токму Игор Џамбазов, кој бил близок пријател со Истатов, на меморијалениот турнир во Струмица во чест на Благој Истатов откри интересна анегдота – дека токму Благој Истатов е „виновен“ што ја развил неговата љубов кон фудбалот.

Дополнително, Џамбазов сподели дека во една сезона дури бил и физиотерапевт во клубот од Дојран.

Сега, судбината повторно го враќа во истиот клуб – но овојпат во многу поважна улога.

Со новата управа и со човек како Игор Џамбазов на чело, ФК Дојранско Езеро добива силен импулс и надеж за подобри резултати и враќање на старите успеси.

Дојранчани влегуваат во ново поглавје – со традиција, емоција и големи амбиции.



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Трета лигаФудбал

Лога: Максимално сме подготвени за три бода против Могила, сакаме шампионска титула и влез во Втора лига

Утре се игра големото дерби во Трета лига – Југозапад меѓу лидерот Влазними и второпласираната Могила, дерби кое ќе решава многу работи за...

Прва женска фудбалска лигаФудбал

Дерби на Тиверија и Саса, Истатов на Пржино го чека Љуботен

Две дерби пресметки во Првата женска фудбалска лига носи 23. коло, а кои соочувања ќе решаваат за второто место на табелата. Во Струмица...

Поврзани написи
Прва женска фудбалска лигаФудбал

Дерби на Тиверија и Саса, Истатов на Пржино го чека Љуботен

Две дерби пресметки во Првата женска фудбалска лига носи 23. коло, а...

Втора лигаФудбал

🔴 Во ЖИВО: Седум натпревари од 27. коло на Втора лига

Денес со седум натпревари ќе стартува 27. коло на Втората македонска фудбалска...

ИнтернационалциФудбал

Ивана Пројковска четврт судија на реваншот Барселона – Баерн Минхен во ЛШ

Македонското судење повторно доби големо признание на европска сцена, откако интернационалката Ивана...

error: Содржина е заштитена! Се забранува копирање на истата!