ГРК Охрид го потврди првото засилување за наредната сезона, откако редовите на клубот ќе ги засили искусниот хрватски репрезентативен голман Дино Славиќ.
Станува збор за 33-годишен чувар на мрежата, висок 185 сантиметри, кој во Охрид доаѓа по три сезони поминати во француски Лимуж.
Претходно во кариерата Славиќ настапуваше и за екипите на Загреб и Адемар Леон, а зад себе има и значајни настапи во дресот на хрватската репрезентација.
Според договорот, Славиќ ќе го носи дресот со број 12 и се обврза на соработка од најмалку две сезони.
Со неговото доаѓање, Охрид добива големо засилување на голманската позиција, што е јасен сигнал за амбициите на клубот во домашното првенство и на европска сцена.
„Сметам дека Охрид е еден добар проект, разговарав многу со играчите и управата. Имав неколку понуди, но се одлучив за Охрид, резултатите се се`подобри од година во година, клубот напредува. Слушнав се најдобро за Охрид како клуб и место за живот. Среќен сум што доаѓам тука и се надевам дека ќе му помогнам на клубот да ги исполни сите амбиции кои ги има. Македонската лига од година во година е се подобра, ќе се игра и Европа и тоа ќе биде дополнителен мотив.“ – изјави Дино Славиќ.
