Новиот шампион Проект продолжува да ги торпедира противниците откако и официјално на четири кола до крајот стана шампион во Првата футсал лига на Македонија.
Во рамки на воведниот меч од 15. коло кој синоќа се одигра во спортската сала „Јасмин“ во Кавадарци, тимот на Проект буквално ги „искина мрежите“ откако славеше со 1:10 над Клими.
По три погодоци постигнаа Димитар Јанев и Ѓорги Коцевски, двапати погоди Марио Благојевски, а по еден гол имаа Кристијан Гавровски и Мирко Соколов.
За домашниот тим единствениот гол го постигна Мартин Никовиќ кој стрелаше во 20. минута од мечот.
