Вечерва од 18 часот се игра големото дерби на 22. коло на Втора лига меѓу Брегалница и Охрид под рефлектори – прв меч од пролетниот дел кој се игра во вечерен термин во второлигашкиот шампионат.
Дерби од капитално значење и без право на грешка – дуел на два конкуренти за Прва лига. Ние и претходно анализиравме потенцирајќи дека Охрид чека 17 години на триумф над „сините“, вечерва иако ќе биде „жешко“ во Штип, „рибарите“ ќе одат да го освојат Исарот и да се вратат со три бодови дома.
Последен пат Охрид славеше над Брегалница 20 септември 2008 година пред точно 17 години, шест месеци и осум дена, кога во Штип славеше со 0:2 над „сините“.
Ваквиот долг пост без триумф во меѓусебните дуели е желба да се прекини токму вечерва, токму сега кога најмногу треба за да се сочува врвот во Втора лига.
„Рибарите“ се подготвени за дербито на Градскиот стадион во Штип, во тимот владее позитивна атмосфера и мислите на фудбалерите и стручниот штаб се насочени само кон позитивен резултат односно да се освојат трите бодови.
Амбиентот за фудбалска игра ќе биде одличен, а со овој меч ќе се комплетира 22. коло, кое се отвара со седум мечеви кои стартуваат во 14:30 часот.
