По 14 одиграни кола во Трета лига – Запад лидер на табелата е Камјани, кој е на добар пат да го обезбеди второлигашкиот бараж.
А, кога е во прашање листата на најдобри стрелци и овде Камјани е на врвот, имено Хузри Џемаили е најдобар стрелец во Трета лига – Запад, а тој за екипата на Камјани постигна 15 погодоци и е еден од клучните играчи на тимот за одличните резултати.
Најблиску до Џемаили е фудбалерот на Доброшти, Агон Хашими кој има постигнато 13 погодоци. На третото место е Албулен Имери, кој за Влазерими постигна девет гола.
По осум гола имаат Ивица Костадиноски од екипата на Вардар Брвеница, а пак Ментор Саљиу за Џепчишти.
По седум погоди имаат Мурат Адили (Влазерими) и Брендим Рушити (Дрита).
Во Трета лига – Запад паднаа и три автогола, а истите си ги постигнаа Филип Аризанкоски (Љуботен), Арсим Рамадани (Доброшти) и Теодор Стојанов (Љуботен)
