Регуларниот дел од сезоната во Првата лига жени заврши викендов со 18. коло, а осумте најдобри екипи продолжуваат во плејофот за шампионската титула.
Во четвртфиналето ќе играат: Наковски Волеј, Младост УГД, Работнички Скопје, Јанта Волеј Кисела Вода, Газели Волеј, Пелистер Волеј, Вардар ЕМ и Струмица жени.
Четвртфиналните парови се:
- Наковски Волеј – Струмица жени
- Младост УГД – Вардар ЕМ
- Работнички Скопје – Пелистер Волеј
- Јанта Волеј КВ – Газели Волеј
Серијата се игра на два добиени натпревари, а ако резултатот е изедначен, се игра „златен сет“ до 15 поени со разлика од два поени. Првите натпревари се на теренот на послабо рангираната екипа и се закажани за 1 и 4 април. Победниците ќе играат во полуфиналето.
Деветтопласираниот Фит Фан Волеј ќе игра бараж за опстанок во Првата лига со второпласираниот тим од Втората лига, додека последнопласираниот Ускана испаѓа и следната сезона ќе игра во Втората лига жени.
