Актуелниот шампион Љуботен кој остана без можноста да ја одбрани титулата по одземените девет бодови од страна на Дисциплинската комисија на ФФМ, денес со неверојатни 16:0 го декласираше Кочани, кој доживеа голем пораз, кој ќе биде запишан во неславната страна на тимот.
Меланија Грозданова и Елена Симјанова постигнаа по четири гола, хет-трик забележа Лори-Ен Моисет. По еден гол за тимот од Тетово постигнаа капитенот Александра Марковска, Настасја Накова, Хава Мустафа, Ајури Тераваки, а пак Лина Мицовска си постигна автогол.
Љуботен е четврти со 37 бодови, а пак Кочани е претпоследен со седум бодови. Во следното коло Љуботен ќе гостува во Битола кај Топ Гол, а пак Кочани дома ќе игра против Тиверија Брера.
