По денешниот пораз од Струга Трим Лум со 0:2, тренерот на ФК Пелистер, Милан Стојановски, си поднесе оставка од функцијата.
Клубот ја прифати неговата одлука, со што Пелистер останува без шеф на стручниот штаб во клучен дел од сезоната.
„Како шеф на стручниот штаб, ја преземам одговорноста за резултатите во пролетниот дел од сезоната и одлучив да си поднесам оставка од функцијата. Сакам искрено да им се заблагодарам на клубот за укажаната доверба, на раководството за целата поддршка, на играчите за нивниот труд и залагање, како и на навивачите за нивната безрезервна поддршка во секој момент.
Посебна благодарност упатувам и до градот Битола, кој секогаш стои зад овој клуб. На екипата ѝ посакувам многу среќа во продолжението од сезоната и остварување на целта – директен опстанок“, изјави Стојановски.
Пелистер сега ќе мора брзо да најде решение за тренерската позиција, со цел да ја стабилизира формата и да ја исполни главната цел – опстанок во лигата.
