Фудбалската федерација на Македонија (ФФМ) денес информираше дека по истекот на договорот со досегашниот снабдувач ЈАКО, на крајот на 2025 година, македонската репрезентација ќе настапува со АДИДАС опрема на претстојните бараж натпревари за пласман на Светското првенство 2026.
„Станува збор за опрема која е наменета исклучиво за користење на овие натпревари. Во мај, официјално ќе биде промовирана комплет опремата на македонската репрезентација од КАС програмата. По деценија тишина – повторно во жолто. Боја што не е само избор, туку чувство. Боја што ја баравте. И ја враќаме – заедно. За плеј-оф битките за Светско првенство, македонската репрезентација ќе настапи во нов дрес“, велат од ФФМ.
Македонија првиот бараж го игра против Данска на 26 мај во Копенхаген, а доколку го добиеме овој бараж меч ќе одиме на мегдан со подобриот од дуелот меѓу Чешка и Република Ирска.
