Машката ракометна репрезентација на Македонија во рамките на претстојната ЕХФ недела ќе одигра пријателски натпревар против Австрија. Контролниот дуел е закажан за 21 март со почеток во 18:00 часот во Брегенц.
Овој натпревар ќе биде дел од подготовките на националниот тим за бараж средбите за пласман на Светското првенство 2027. Македонија во мај ќе се соочи со победникот од дуелот меѓу Украина и Словачка.
Во пресрет на собирот, селекторот Кирил Лазаров го објави списокот на ракометари на кои ќе смета за оваа акција. Во тимот ќе се врати Милан Лазаревски, додека на списокот не се најдоа Мартин Серафимов и Игор Ѓорѓиев.
За претстојниот собир Лазаров нема да смета ниту на дел од поискусните ракометари, меѓу кои се голманот Никола Митревски и пикерот Жарко Пешевски.
