Познати судиите кои ќе ја делат правдата на натпреварите од 20. коло на Втората македонска фудбалска лига. Сите натпревари ќе се одиграат утре и ќе стартуваат во 14:30 часот.
Мечот меѓу Тетекс и Новаци ќе го суди Фатмир Бафто, а ќе му помагаат Мишо Ѓорѓиески и Марио Мојоски, а Димитар Левески ќе биде четврт судија.
Делегат ќе биде Гоце Ефтимов, а контролор на средбата во Тетово ќе биде Бурханедин Салихи.
Ивана Пројковска ќе ја дели правдата во Штип на мечот меѓу Брегалница и Каменица Саса, а ќе и помагаат Елена Соклевска Илиевски и Цветанка Савеска, додека пак четврт судија ќе биде Борче Павловиќ.
Делегат на средбата ќе биде Ненад Маркоски, а Крсте Даниловски ќе биде контролор.
Вардар Неготино на домашен терен ќе игра со Преспа, а правдата ќе ја дели Спире Арсов, додека пак помошници ќе бидат Петар Михаилов, Дејан Стоиков, а четврт судија Ангелчо Ристов.
Делегат на мечот ќе биде Раде Гроздановски, а контролор Горан Ангелески.
Победа на домашен терен ќе игра против апсолутниот фаворит Скопје, а на центарот во Прилеп ќе биде Марјан Стојановски, додека пак покрај аут-линиите ќе бидат помошниците Куштрим Лика и Осман Зеќири, а пак Бенарт Зеќири ќе биде четврт судија.
Столе Тошев ќе биде делегат, а контролор Горан Манасиев.
Осогово на домашен терен ќе го пречека „фенерџијата“ Големо Коњари, а правда на мечот кој се игра во Кочани ќе дели Дарко Стојанов, а ќе му помагаат Александар Гигов и Зоран Саздовски, додека пак Здравко Костовски ќе биде четврт судија.
Тухо Чурлинов ќе биде делегат на овој меч, а контролор ќе биде Зоран Стефанов.
Влатко Илиоски ќе им суди на Шкендија Арачиново и Детонит Плачковица, а ќе му асистираат Дино Конески и Андреј Ќамилов, а пак Дарко Котевски ќе биде четврт судија.
Лазар Проданов ќе биде делегат, додека пак за контролор е одреден Иса Емурли.
Никола Петковски ќе биде на центарот во Струмица каде ќе се соочат фаворитот Беласица и Слога од Виница. За помошници се одредени Александар Ѓурковски и Станко Митровиќ, а пак Блаже Петковски ќе биде четврт судија.
Делегат ќе биде Жанко Савов, а пак контролор на мечот во Струмица ќе биде Златко Неделкоски.
Кожуф на домашен терен ќе го пречека лидерот Охрид, а во Гевгелија главен судија ќе биде Бењамин Ќерими, а ќе му помагаат Борис Трајков и Николче Николовски, додека пак Ненад Тодоровски ќе биде четврт судија.
Тони Николовски ќе биде делегат на оваа средба, а пак контролор ќе биде Џенан Хајдари.
