Овој викенд во Третата македонска фудбалска лига – Исток ќе се одиграат натпреварите од 13. коло.
Како што дознава Спортска Мрежа, сите натпревари од оваа рунда ќе започнат со едноминутно молчење, знак на почит кон починатите од големата трагедија која се случи на 16 март минатата година во дискотеката „Пулс“ во Кочани.
Дополнително, сите екипи кои се под капата на ОФС Кочани, без разлика во кој ранг се натпреваруваат, натпреварите овој викенд ќе ги започнат со едноминутно молчење како што се ГФК Осогово од Кочани, ФК Слога од Виница и ЖФК Каменица Саса од Македонска Каменица, ЖФК Кочани и ФК Каменица Саса, но и останатите екипи.
На 16 март (понеделник) ќе биде точно една година од големата трагедија, во која животот го загубија и неколку спортисти, меѓу нив беше и фудбалерот на ФК Шкупи, Андреј Лазаров, од кочанско Оризари.
