Во просториите на Големата сала во Општина Свети Николе на 11 март 2026 година беше одржано Годишното собрание на ЗС ФК Овче Поле Свети Николе, на кое беше избрано новото раководство на клубот.
На Собранието за нов претседател на клубот беше предложен и едногласно изгласан д-р Бојан Митев од Свети Николе, познат како докажан спортски работник и долгогодишен поддржувач на спортот во градот.
Во рамки на Собранието беше потврдено и дека досегашниот секретар на клубот, Мартин Туфекчиев, ќе продолжи да ја извршува својата функција и во наредниот четиригодишен мандат.
Исто така, делегатите на Собранието изгласаа и нов состав на Управниот и Надзорниот одбор на клубот, со цел понатамошно стабилно функционирање и развој на ФК Овче Поле.
Од клубот упатија благодарност до досегашниот претседател за досегашната работа и придонес во водењето на клубот, како и за вложениот труд во развојот на фудбалот во Свети Николе.
Воедно, на новото раководство му беа упатени желби за успешно реализирање на поставените цели, како и за многу победи и убави спортски моменти за ФК Овче Поле и за спортската јавност во Свети Николе.
