Екипата на Македонија ЃП пролетва има една и единствена задача, a таа вели дека во најкраток можен рок да се соберат доволно бодови, кои што ќе обезбедат прволигашки статус и мирен финиш на оваа турбулентна сезона.
Македонија ЃП во претходното коло направија мини подвиг забележаа победа над Работнички со 3:1 и покрај фактот што гостите имаа водство. Сепак, избраниците на Боби Божиновски и тоа како добро се справија со таа ситуација, ги задржаа бодовите, а сега одат по нови три во Куманово.
Денеска од 14:00 часот ги пречекува тимот на Башкими, сериозен прволигашки предизвик од секој аспект особено кога игра на свој терен.
„Одигравме тежок натпревар против екипата на Работнички, но знаевме дека по секоја цена мора да победиме и бодовите да останат дома. Знаеме каква е екипата на Башкими и кои се нивните предности и слабости. Добро ги анализиравме и подготвени сме утре да го дадеме максимумот за да си заминеме дома со бодови. Секако дека верувам во мојата екипа и утре одиме во Куманово по трите бода. Во изминатите две кола одигравме два многу тешки натпревари во кои освоивме многу важни бодови. Можевме и подобро, и верувам дека во иднина ќе биде така. Оваа екипа нема ѕвезди сите играчи се бориме и даваме максимум, и токму тоа го краси овој тим“ – ни изјави младиот и перспективен Марио Ричков.
