Пласман на завршниот турнир од Купот на ОФМ за 2026 година обезбедија истите четири екипи кои и минатата сезона се бореа за трофејот во ова натпреварување – бранителот на титулата Штип УГД, финалистот Струмица 47&72, како и екипите на Борец и Работнички 71&22.
Двократниот освојувач на Купот, Штип УГД, до билетот за Фајнал-фор стигна со убедлива победа над Лирија од 3:0 (25:13, 25:10, 25:9) во четвртфиналниот натпревар одигран пред домашната публика во Штип.
Работнички 71&22 беше последната екипа што го потврди пласманот на завршниот турнир, откако во четвртфиналето славеше против Универзитет во Тетово со 3:0 (25:21, 25:22, 25:23).
Ден претходно своето место на Ф4 го обезбедија и екипите на Струмица 47&72 и Борец. Струмичани триумфираа над Шкендија со 3:0 (25:20, 25:21, 25:14), додека Борец исто така со максимални 3:0 (25:16, 25:14, 25:19) беше подобар од Сушево.
Фаворитите ја оправдаа својата улога во четвртфиналните пресметки, а имаа и поволна позиција во полудиригираниот ждреб пред овие натпревари.
Полуфиналните двојки ќе бидат познати по ждрепката која најверојатно ќе се одржи следната недела, додека финалниот турнир е планиран за крајот на март.
