Утре се играат натпреварите од 19. коло во Втората македонска фудбалска лига, а четворица фудбалери ќе ги пропуштат своите настапи поради акумулирани пет жолти картони.
Вардар Неготино на гостувањето во Македонска Каменица против Каменица Саса нема да може да смета на Мохамед Ахмедов.
Охрид на домашниот дуел со Победа ќе настапи без Благоја Спиркоски, додека Брегалница за тешкото гостување против Новаци ќе биде ослабена без новото засилување Аљбан Мемеди.
Екипата на Победа, пак, на гостувањето на стадионот „Билјанини Извори“ во Охрид нема да може да смета на Давид Дебрешлиоски.
