Познати се судиите за последните два меча од 21. коло на Првата македонска фудбалска лига.
Дербито на колото го играат конкурентите за титулата Вардар и шампионот Шкендија, а правдата на овој меч ќе ја дели Фатмир Бафто од Охрид, а негови помошници ќе бидат Мишо Ѓорѓиевски и Горан Галевски, исто така од Охрид, додека пак четврт судија ќе биде Крумислав Ѓоргиев.
Во ВАР собата ќе бидат Игор Стојчевски и Вјолца Изеири, оператор за повторување на снимката е Петар Муковски, а пак делегат е Гоце Цветановски, а контролор Сашо Лазаревски.
Натпреварот се игра на тренинг центарот „Петар Милошевски“ во Скопје.
Стојанче Трпчевски ќе биде на центарот на Битола каде ќе се соочат Пелистер и Силекс, а помошници ќе бидат Тоше Ицев и Драган Трпчевски. Четврт судија ќе биде Владимир Ѓорѓиевски.
ВАР судија ќе биде Пларент Салихи, а пак АВАР судија ќе биде Мартин Петковски. Оператор за повторување на снимката ќе биде Растко Ѓурѓевиќ.
Делегат на овој меч ќе биде Дејан Боневски, а пак контролор ќе биде Делчо Јакимовски.
