Навивачката група „Винари“ преку соопштение побара преземање одговорност за резултатската криза на нивниот миленик Вардар Неготино, кој пролетниот дел го отвори со три порази од толку натпревари.
Второлигашот од Неготино загуби од Тетекс на стартот на пролетниот дел, иако загуби со 2:0, овој пораз има и друга тежина бидејќи е од екипата која е конкурент за баражот, потоа следуваше дебакл од Брегалница во Штип со 7:1, а потоа пораз и на домашен терен од Новаци со резултат од 1:2.
Покрај тоа, навивачите бараат и итно свикување на годишно собрание, како и јавен и транспарентен финансиски извештај, но притоа имаат и некои други барање истакната во нивното соопштение, притоа додавајќи дека ќе продолжат да навиваат, но нема да молчат.
„БАРАМЕ:
• Итно свикување на годишно собрание
• Јавен и транспарентен финансиски извештај
• Преземање одговорност за резултатската криза
• Јасен став и целосна транспарентност во врска со сите обвинувања за неколку сомнителни резултати на Вардар НеготиноНие ќе продолжиме да навиваме, но нема да молчиме. Клубот е на градот – не на поединци. Доста е од молк. Доста е од нетранспарентност. Доста е од понижување на клубот со понижувачки резултати. Управите доаѓаат и си заминуваат,
но ние секогаш сме тука – на трибина. Со клубот кога е најтешко, со клубот кога е на врвот. Време е за одговорност“, се вели во соопштението на „Винари“.
Вардар Неготино е на делба на 12-тото место со Преспа со по 12 бодови има 11 бодови негатива од бараж зоната и ќе биде исклучително тешко да се стигна до позиција која води кон баражот за опстанок.
Веќе в сабота Вардар Неготино ќе игра клучен меч одново против конкурент за баражот, на гостински терен против Каменица Саса.
