Македонскиот интернационален судија Влатко Ристовски ќе ја дели правдата на првиот полуфинален натпревар од CEV Challenge Cup во машка конкуренција, меѓу Slovan Bratislava и Lindemans Aalst. Натпреварот е закажан за 4 март во арената „Гопас“ во Братислава.
Ристовски е номиниран како прв судија, а ќе му асистира грчката судијка Ирини Моула.
Еден од нашите најдобри арбитри зад себе има одлична европска сезона, што го потврдува и оваа шеста номинација во рамките на ЦЕВ клупските натпреварувања. Претходно судеше во четвртфиналето од Челинџ купот во машка конкуренција, а беше дел од судискиот колегиум и на натпревари од Челинџ купот кај жените, како и во CEV Cup во машка конкуренција.
